موحیب مەهابادی

بۆ ئەویندارانی گەل گۆرانی مامۆستایه بەس
عاشقی مەعنا دەکا و هەر یادی یاره بێ هەوەس

تا دەخوێنێ ماڵه بابم بێ‌وەفایه، تێدەگەم
هەر به دەنگی خۆی بەیانی سۆزی دڵ خۆشه نە کەس…
ــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بۆ ساڵڕۆژی کۆچی‌دوایی مامۆستا محەممەد ماملێ

“موحیب مەهابادی”


هەر قـەتارەت کاتی وەسفی چاوخـوماران خۆشتره
بۆیه شـێوازت له سـازی گـوند و شـاران خۆشتره

مـاملێ هـەرمانه گـۆرانی و نەوای جوانت کە بەس
سـۆزی تـۆ دائـیم بـە یـادی ژوانـی یـاران خۆشتره

دەنـگـت ئـارامی دەروونـه، بـۆیـه تا مـاوم دەڵێم:
بـۆ دڵـی عـاشـق لـه نـازی عـیشوەکاران خۆشتره

مـاملێ ئەی مەزهەری ستران و مـۆسیقای ڕەسـەن
بـۆیـه ئـاوازت له گـشت بـەستـە و قەتاران خۆشتره

دیـمەنی ڕەقـسی چـڕۆ شـیرین و پڕهـەستە کـەچی
سـۆزی تـۆ بـۆ مـن له ئـاهـەنگی بـەهاران خۆشتره

دەنگـی تـۆ ڕەنـگـی ئـەویـنـە، ڕازی ژیـنـە، بـادەیه
چەهچەهەت هـەردەم له تەیری گوڵعوزاران خۆشتره

مـاملێ تـۆی فـەخر و شـانازی هـونەرمەندانی کورد
بـەرهـەمت خـۆی مـەرهـەمه بۆ دەردەداران خۆشتره

یـادگارت خـۆش پـەیامه وەک شـنەی ڕووحی شەماڵ
بۆ مـوحیب سـۆزت له سەوزایی و له بـاران خۆشتره . . .

موحیب مەهابادی
بۆ بیستەمین سالیادی ماملێ

بابەتی پێوەندیدار