(محەممەدی ماملێ، سۆزی موکریان و ئاوازی گەرمێن و کوێستان)
ناوی کورتەڕاپۆڕتێکی زانیارییە لەسەر ژیان و هونەری محەممەدی ماملێ کە لە لایان چالاکانی ناوەندی مێدیایی ڕۆژ ساز و ئامادە کراوە و هونەرمەندی بواری هونەرە دیجیتاڵییەکان بەڕێز ژیار هۆمەر کاری ئێدیت و دێزاینی بۆ کردووە . لەو ڕاپۆڕتەدا هەوڵدراوە لە ماوەیەکی کورت و بە شێوەی ئینفۆگرافی گوڵچنێک کە تێیدا پێناسەی هونەری ماملێ بکرێت، پێشکەش بە بەردەنگی کوردی بکەن.
هەرچەند لەو کورتە فیلمەدا نابێ چاوەڕوانی ئەوەمان هەبێ باس لە هەموو لایەنە دیار و شارەوەکانی هونەرمەند محەممەدی ماملێ بکرێ بەڵام، کەم و زۆر تیشک خراوەتە سەر ژیانی ئەو هونەرمەندە.
دیارە کاری لەو چەشنە بێهەڵە و پەلە نەبووە و نابێ، تەنانەت بەشێکی کەم لە زانیارییەکان دەستکردی دەنگۆکانی ناو کۆمەڵگا بووە و پێشتریش بیستبوومانن کە دوور بوون لەڕاستی بەڵام، ئەوە لە بایخ و ماندووبوونەکانی ئەو ناوەندە کەم ناکاتەوە. ئێمە وەک مەڵبەندی هونەریی ماملی بە پێویستی دەزانین کە پڕ بە دڵ سپاسی ئەو ناوەندە بکەین کە ئاوڕیان لە ماملێی خۆیان دایەوە و لەبیریان بووە. ئێمە وەک ڕێزێک بۆ ئەو تێکۆشەرانە فیلمەکە لێرە دادەنێینەوە پێشکەش بە عاشقانی دەنگی محەممەدی ماملێی دەکەینەوە.
بە سپاسەوە مەڵبەندی هونەری ماملێ
