وەک ئاگادارین لە ڕۆژی ١٩ی بەفرانباری ساڵی ١٣٩٩ بەرانبەر بە ٠٨/٠١/٢٠٢١ کەس یان کەسانێک دەستیان دا تاوان و گڵکۆی هونەرمەندی کورد محەممەدی ماملێیان بە ڕەنگ شێواند و ڕەشیان کرد.
ئەو کارە قێزەونە بوو بە هۆی بزواندنی هەست و سۆزی گەلی کورد و کاردانەوەی بەرفراوانی بەدوای خۆیدا هێنا و کوردستانیان بە شێوەی جۆراوجۆر ئەو کردەوە قێزەونەیان شەرمەزار کرد و خەم و پەژارەی خۆیان دەربڕی.
لەو ناوەندەدا سۆسیال مێدیا بەگشتی و مێدیا کوردییەکان بەتایبەتی تیشکێکی ئەوتۆیان خستە سەر باسەکە و بەشێک لە ڕووماڵەکانی خۆیان تەرخان کرد بەو ڕوداوە و هەوڵیان دەدا تا تازەترین و باوەڕپێکراوترین هەواڵەکان لە سەرچاوی فەرمی و نیزیک لە بنەماڵەی مامۆستا محەممەدی ماملێ وەدەست بێنن و بیگوازنەوە بۆ بینەرەکانی خۆیان.
ئەو ڕوماڵ و ڕێپۆرتاژانە هەڵگری کۆمەڵێک زانیارین کە بە پێویستی دەزاین ئێوە میوانانی ماڵپەری فەرمیی ماملێ بیبینن.
١- لێدوانی کاک عەبدوڵا ماملێ بۆ (هاژە) سەبارەت بە شێواندنی گڵکۆی هونەرمەند محەممەدی ماملێ.
٢- لێدوانی وریا ماملێ بۆ (ئێن.ئاڕ.تی) سەبارەت بە شێواندنی گڵکۆی هونەرمەند محەممەدی ماملێ
٣- لێدوانی وریا ماملێ بۆ تیشک تی.ڤی سەبارەت بە شێواندنی گڵکۆی هونەرمەند محەممەدی ماملێ
٤- لێدوانی وریا ماملێ بۆ کاناڵی ڕووداو سەبارەت بە شێواندنی گڵکۆی هونەرمەند محەممەدی ماملێ.
٥- بەرنامەی پرسی ڕۆژ لە کوردکاناڵەوە
٦- وتووێژی وریا ماملێ دەگەڵ ڕادیۆ دەنگی ئامریکا بەشی کوردی.
