هۆنراوەی ماملێ
هۆنینەوەی: حامید ڕەشیدی زەرزا
وێـڵ بووم به دوای خه‌یاڵدا، ئێستا که‌وتوومـه بـاسـی
کـێ بێ له ناو کوردستان (ماملێ) که تۆ نـه‌نـاسـی!
له چریکه‌ی ده‌نگی تۆ دا، له هه‌ستی مه‌ستی تۆ دا
به‌سته‌ی مه‌به‌ستی تۆ دا، له ڕیتم و ده‌نگ و باسـی
سـه‌رجـه‌م گـۆرانیـیـه‌کـانـت تـامـی وڵاتـیـان لـێ دێ
هـه‌سـتـی به سۆزت هه‌موو، رێنوێنه بۆ کورد ناسی
بـۆیـه لـه هـه‌سـتـی تۆ دا، له به‌حری مه‌ستی تۆ دا
پـێـنـووسم که‌م ده‌هێنێ،که ده‌چمه باس و خواسی
جـار بـولبوولی،جار قومری، له سه‌ر گوڵی به ده‌وری
گـزنـگی بـاڵـای هـه‌وری، به ڕاستی کوردی خاسی
ئـاوێـنـه‌ی کـرداری تـۆ، ڕوونــاکــی ڕووخـســاری تـۆ
ئـه‌و هـه‌سـتـی بـێـداری تۆ، لـه‌شه له نـاو کـراسی
نـاوه‌رۆکـی هـه‌ر بـه‌سـتـه، لـه هـه‌ر گـوفتار و ڕسته
ئـه‌و ده‌ربـڕیـنـه و هـه‌سـتـه، میلله‌ت ناسینه باسی
لـه هـه‌نـاسـه‌ی گـڕوو سـۆز، ده‌م ده‌بـێته گوڵی ڕۆز
ده‌پـشـکـوێ به شه‌و رۆژ، ده‌یان گوڵ که نـایـناسی
لـه قـالـیـبـی هــۆنــراوه، لــه بــه‌زم و نـه‌زمـی ئـاوا
خـودا هـه‌ر بـه تـۆی داوه، بـه که‌س ناکرێ قیاسی
تۆ هه‌ر زیندوی‌و ماوی، وه‌ک زولفی گشت و خاوی
جار هـه‌تاوی، جار ساوی، بۆ کـورد ڕه‌مزی پێناسی
ماملێ – مامۆستا حامید ڕەشید زەرزا
- کاتژمێر
- شیعر
