لە سەر دوندی ناڵەشکێنە
دەنگێکی خۆش ئەگاتە بیستی گوێکانم
فێنکی دەکا هەناوم
ئەبەخشێ تین بە ڕوخسارم
دڵ پڕ لە کوڵ، هاوار دەکەم،
ئەوە سۆزی دەنگی کێ یە؟
پەپوولەیەک
لە ژیر هەستی ئەو چریکە شیرینەدا
هەنسک هەنسک
دێتە وڵام:
چۆن نازانی..!
بەزمی خۆشی قەتارێ یە
سۆزی دەنگی “ماملێ”یە.
ئەڵێم باشە،
تۆ دەزانی “ماملێ” کێ یە؟
دیسان وڵام :
چۆن نازانم،ئەو پێاوێکە
لە شەخسییەتدا، لە دەنگیدا
لە هونەر و مۆسیقادا،
بۆ هەتایە
بێ هاوتایە.
…………..
سەلاح کۆنەپۆشی
