Skip to content

گفت و گۆیەک لەگەڵ رۆحی ماملێ

قه‌ڵه‌م وشک و بێ به‌هایه‌، سه‌یره‌ زمانم ناگه‌ڕێ ‎
وێڵم به‌دوای هه‌ر وشه‌یێ گه‌وره‌یی تۆم بۆ ده‌ربڕێ
کوا، چ شیعرێ هێنده‌ی ناوت به‌رزو پیرۆزو گه‌وره‌یه‌؟
‎بۆ شانازی و سه‌ربڵندی، له‌تۆ زیاتر کێمان هه‌یه‌!
کوردستانیش له‌ئاست به‌رزیت سه‌رسوڕماوه‌، بێ باڵایه‌
‎چون به‌رزی تۆ، به‌قه‌د به‌رزی سێداره‌که‌ی پێشه‌وایه‌
من نازانم چی بنووسم ئه‌م کۆچه‌ی تۆم بیرباته‌وه‌
‎چ شالورێ بۆی ده‌سازێ گره‌و له‌تۆ بباته‌وه‌؟
هێمــن ئاسـا منـیش ده‌مـگوت، لـه ‌دونـیا هه‌تـا بمێـنم ‎
شـوره‌ییه‌ لـه‌ئاســت غـه‌م و په‌ژاره‌، ســه‌ر دانــه‌وێنم
ده‌مگوت، هه‌تا نه‌وای ده‌نگه‌ به‌سۆزه‌که‌ی ماملێ مابێ
‎نه‌غمه‌ی(زه‌مانه‌ و، زێنه‌بێ)نا‌بێ له‌دڵم ته‌وه‌للابێ
له‌گه‌ڵ کۆچت (توخوا شوانه‌ و، یادی به‌خێر) تازه‌ بۆوه‌
(کەمەرەشل)یش ئاوێتە بوو لەگەل شیوەن و رۆرۆوە!.. ‎

هەڵبەستوان: فەرید مەخمووری

FAReed Makhmuri 2

بابەتی پێوەندیدار